From instagram.com

體路 Sportsroad on Instagram: "見到曾湛元 @kelvintsang0331 尋晚射入半場壓哨3分波幫南華追平，諗返起2017年學界籃球精英賽4強，當時最後2.8秒裘錦秋落後英華3分，曾湛元幾乎同樣情況、位置，帶波壓哨起手、中板、彈框、唔入，喺曾經領先過25分之下，裘錦秋最後以3分飲恨。 無問過元仔呢球對佢有幾大影響，可能係記一世，又可能只係佢生涯射失過嘅其中一球、已經唔係好記得，有機會再問下佢。 但作為旁觀者，見到佢尋晚幾乎喺同一個位置、同一個情況下起手，今次終於射入，真係好想講一句佩服。唔係純粹只係因為佢射入呢個高難度嘅三分，而係覺得呢兩球——一個唔入、一個入，就好似係用兩球波簡單做個記錄，可以令人聯想到昔日嘅學界小將點樣一步一步走到今日嘅甲一球隊主將，你可以諗到佢背後付出咗幾多嘅努力，中間成長嘅唔止射術，仲有心態等等，克服失敗、仍然勇於起手、隊友對佢投以信任。 學界籃球係好熱血，熱血故事亦可以一直延續，過咗8年仍然繼續感染人，多謝曾湛元！"

1 1

4,904 likes, 2 comments - sportsroad.hk on December 18, 2024: "見到曾湛元 @kelvintsang0331...

#成功 #籃球 #運動

on Wed, 5PM