Sites

娛壹 as1.entertainment on Instagram: "專訪丨揚眉女子梁芷珊離港旅居拒受束縛離婚後再遇愛情認戀細17歲作家于非姊弟戀追求靈魂溝通 2021年9月21日，#梁芷珊悄然離港。作家 #王陽翎（于非）在社交網代宣佈，「相信只要是熟朋友，曾經看到她為香港落淚絕不稀奇」。同日晚上，已抵 #台灣的梁芷珊留言：「這不是永別，我的一切都還在香港。」前陣子梁芷珊回港一趟，在銅鑼灣接受《娛壹》專訪，飽滿了點，沒以前般瘦削；白淨了點，沒以前般皮膚發黑，朝氣滿滿，神采飛揚。 3年前，她選擇離開香港，因心裏有很強烈的感覺，「覺得我未來嘅生活係 #旅居，喺唔同嘅地方住吓，唔畀自己任何嘅束縛，呢個地方住幾個月，嗰個地方住幾個月。」【假使有日能忘記】 2021年的香港，很多人事物都改變了，心態隨環境轉變，那時跟前夫羅傑承離婚3年的她，活得自在，想走就走，選擇了幾個旅居地，這幾年來來回回，「我個女喺倫敦，覺得應該要有啲時間黐吓佢；香港，嗰陣我都仲有keep一個地方住吓；跟住我想有啲時區係同香港一樣，就覺得台灣最方便；另外新加坡馬來西亞我都想住吓，我就諗未來嘅生活，就係呢度住下嗰度住下，work from 唔同嘅home，係幾爽。」于非指曾見過她為香港流淚！今日驀然回首，梁芷珊依然感慨，「其實之前兩年，又有運動，又有COVID，我諗嗰陣每個人心情都好複雜，點解香港會變咗咁？人人都好迷茫，呢啲嘢而家喺我腦海飛過，感受依然好深刻，大家共同經歷一段好長時間，係好唔知點解會咁，當你去探求嘅時候，都有一種情緒激動，對我嚟講，其實work from咩home都得喎，不如就去黐吓我鍾意嘅人。」談到這幾年在台灣的生活，梁芷珊發自內心地笑了，「開心，其實應該咁講，我覺得旅居生活好開心，我係巨蟹座好鍾意家，呢兩三年，我嘅興趣就係建立一啲home，公司又好好彩穩定咗，我係離婚之後開始做自己生意，已經6年喇，公司仲健在。」人活着就為了令自己快樂，這些年梁芷珊的快樂指數很高，「我覺得都有8、9，呢6年離咗婚之後，我去搵自己嘅路，就算諗去第二度旅居，都係好重大嘅決定，但嗰個決定好輕身，因為自己一個人，阿女當時入咗牛津，讀書托賴唔使我擔心。而家我咁樣去生活，覺得自己都幾有勇氣，係勇字當頭，每一個決定其實都唔知之後會點。」【前路像驟光驟暗】梁芷珊48歲離婚，從不依賴男人的她，工作履歷表好豐富，讀書時兼職模特兒，拍過電視劇《#他來自江湖》，做過黎明《OH!夜》MV女主角，90年代開始填詞，作品有《#唯獨你是不可取替》、《一生愛你一個》、《不來的季節》、《假使有日能忘記》、《都是你的錯》等經典歌，小說《#當四葉草碰上劍尖時》被改編成電視劇，15年擔任香港足球總會董事，50歲選擇創業，經營Maxi House Limited。「呢幾年裏面，有幾個好幸運，我開始業務嘅時候，做食物包同美容supplement網店，唔知會COVID，唔知大家要買食物包返屋企㗎，因為我原本概念係出面要食得好，返屋企都要食得好，所以就做好高質素嘅食物包。到COVID完咗，大家就好注重調理，又好鍾意網購，我呢幾年晚晚開live，又撞中咗呢一個深入溝通。所以幾樣嘢撞埋，托賴6年後，其實係幾OK嘅，睇下公司盤數，就發覺原來開始可以自負盈虧。」公司發展初期，梁芷珊曾出現月尾恐懼症候群，此期間情緒起伏，行唔安坐唔落，覺得一個月又過去，好似一事無成，未來又是更大挑戰，還有更多要做好。「頭一兩年好辛苦，個個月撲出糧交租諗點樣調動，點解做老闆咁辛苦！我直情係月尾抑鬱症㗎啦，我發癲你哋唔好怪我，好大壓力！大家香港人真係可以攤開嚟講，如果你係老闆，過去嗰幾年，你要做嘅就係交租同養到班同事，我又啱啱去咗台灣生活，台灣生活好慳，即係我慳自己都要出到糧畀同事，呢個係我嘅責任，一家人嘅生計，唔會因為我因為個環境，令佢哋冇咗份工，呢樣嘢我都好自豪㗎，就算公司幾艱難，我冇要任何同事離職。」女強人如梁芷珊，亦坦承創業辛苦，「一殼眼淚！所有要做老闆嘅朋友，其實佢哋一開始就孭起一條船，我見到好多之前係大老闆，而家生活好辛苦，其實你要行落嚟㗎喇，即係你本來住山頂，改為住太古城或者去海怡，我真係亂咁舉個例啫，因為慳自己係最容易，你想業務仲有機會轉身，要keep住班員工，唔好自己又車又司機又咩，你轉身唔夠快，適應唔到而家一個咁大嘅浪潮！」【下半生准我留住你】 48歲那年，梁芷珊跟商人羅傑承離婚，15年夫妻情盡，原因是她失去愛情的感覺，只餘下親人的關係，慢慢地沒有了火花，所以主動提出離婚。回復單身1年，梁芷珊跟米芝蓮廚師Olivier拍拖，她比他大11年，兩人分手復合又分手，#姊弟戀結束，工作夥伴關係依舊。現年56歲的她，原來愛情又回來了，「我由單身之後，開始尋覓愛情，我覺得未來都係會姊弟戀，應該幾適合我，我之前遇到嘅男士，都係大我差唔多十年，佢哋好成熟，會喺我年輕嘅時候，教識我好多嘢啦。「但而家我夠成熟，都好老吓㗎喇，我就覺得男朋友啊partners啊，佢哋可以畀到一種活力，對呢個世界仲有好奇，我覺得係互相補足，好正。」梁芷珊宣佈再迎來了她的第二春，「我男朋友係于非，佢都係一個作家啦Youtuber啦，我哋都喺台灣生活...」 🔶本文未完🔶 請到留言撳link閱讀全文🙏 你的支持💛 讓我們走得更遠🙌 #娛壹"

1 1

833 likes, 7 comments - as1.entertainment on January 9, 2025: "專訪丨揚眉女子梁芷珊離港旅居拒受束縛離婚後再遇愛情認戀細17歲作家于非姊弟戀追求靈魂溝通 2021年9月21日，#梁芷珊悄然離港。作家 #王陽翎（于非）在社交網代宣佈，「相信只要是熟朋友，曾經看到她為香港落淚絕不稀奇」。同日晚上，已抵 #台灣...

#事業 #人物 #倫敦 #台灣 #娛樂 #愛情 #旅居 #香港 #新加坡 #梁芷珊

19h ago